BE.344 Logu no.84
UNGKAP BAHAL NA UMMULI

Ayat 1
Ise do angka nasida Di lambung ni Debata
Na martumpal be huida Jala marsinondang do ?
Na marende do sude Girgir pamujina be.

Ayat 2
I do angka na malua Angka na tutu burju
Angka dongan na martua Naung porsea situtu
Di Tuhanta Jesus i Na humophop sasude

Ayat 3
Haporsuhon do ditaon Uju na di tano on
Na marlea nasailaon Gabe hasangapon on
Do turpukna i nuaeng Las rohaNa i dibaen

Ayat 4
Na marende do nasida Pasangaphon Jesus i
Ala naung tangkas diida Sintong ni hataNa i
Naung pinarbagaNa i Sahat do sudena i.

Ayat 5
Na so dais be tu nasida Jea ni portibi on
Ndang adong disi tarida Na manusa hita on
Dohot dosa sasude Ndang adong diingot be.

Ayat 6
Haraparon, hauason Ngali ni arina i
Porhas, ronggur, halojaon Udan las ni ari i.
Uhum ala dosa i Ndang be dais tu na disi.

Ayat 7
Ai di Debata nasida Na pasabam roha i
Jesus do tongtong diida Di banuaginjang i
Sai martua do sude Ndang na mimbar i muse

Ayat 8
Ale Jesus Rajanami Na marasi roha i
Sesa nasa dosanami Tiop tangannami be
Dohot hami on sude Sai pabongot ma muse.
